🔵 Wischdigs –> Bidde Lese (Dialekt) . . . . . . . . 🔵 Wissenswertes- Liesmich (Hochdeutsch)


Allgemein:   

De Schefin unn der Schef hawwe Eehrn klaane Lade fär Grossbahne nun seit mäj als 40 Jahrn unn mache des hauptsaeschlich aus Schpaß unn Freud an demm Hobby. Da die beide des allein mache hawwe Se fär manschs Ansinne aafoch kaa Lust; desdeweje gibt s folgend ein paar Schpielregeln. Die beide säje sisch als Fachgeschäft uns erhebe desdeweje kaan Anschpruch daruff Versandhandel zu mache unn mit Billisch konkurriere zu müsse unn zu wolle. Brocke unn Teschnik blous samstags, doa unnner der Woch seitns Teschnik koaner doa is (koa Ausnahme moeglisch)

Angebotene Ware 

All oagebodene Artikel sinn, sofern nedd annerschd angegewwe, naie Sache mid Gewährleistung 
Rueckfragen (zB. fuer Preise) kammer per elektronischer Post erfrage orrer ein paar davunn im kleine elektronische Lade –  manch nenne des aach Webshop – der beide nachgucke. Preise dorsch Anrufe zu erhalde hilft da gar nix, da die beide do meist weder Preise noch Info ob s lieferbar is am Telefon hawwe – da wädd halt lieber mol werrer mit der Eisenbahn geschpielt orrer mit Kunde gebabbelt orrer gebaschtelt – is halt dere Hobby;.
E-Mails mache die Schefin unn der Schef wenn se ned graad mol werrer schpiele oder im Lade mit Kunde schwätze –> desdeweje bidde um ebbes Geduld.    

Preise:   

Die Preise die die beide hawwe sinn wie Se sinn die halde des aafoch so: Billisch orrer Preiswert; dischbediere hilft da gar nix, da reagiere die Zwo iwwerhaupt nedd druff. Geiz is geil kandidate dürfe gärn woannerschd kaafe unn aach Ihre Beratung dort hole.

Bezahlung: 

Verschicke tun die beide blous gäje Vorkass denn dann müsse Se nedd dem Penunze hinnerher renne und häwwe mehr zeit zum Schpiel oder mit Kunne babbeln. Im Lade gäje Bares (orrer Plastischgeld)

Versand: 

Versende tun die beide blous neus Zaisch, alls andere imm Lade; ebenso verschicke Se blous wenn bezüglisch Versandrisiko machbar is unn se Zeit häwwe. All annern Zeig wie Brocke, Benutzts, Umbaute, Ausluffmodelle (Digital unn / orrer  Krach) unn so weiter blous im Lade.

Beratung / Ersatzteile/(Digital-) Umbauten:   

Eine vernünftische Beratung / Ersatzteile / (Digital-) Umbauten mache die beide ausschsliesslisch im Lade da Se do mit de Leit schwätze könne unn dene des Zaisch aach zeige könne (Aufgrund der Firmegröß unn Ärwet die mer hamm könne mer leider kaa Reparature per Versand anbiete ) Wozu die beide schlischtweg  kaa Lust hawwe: Beratung umsunschd fär Versandhändler unn Aukzione im Innernet. –> Fär alls andere könnt Eehr gern e elektronischee Post sende unn frage orrer samschtags gibt s  dann oft zusätzlisch noch Brocke (will moie Ersatzteile) unn verzaejle iwwer Digital / Krach im Lade.

Lager:   

Dafär hawwe die beide awwer ein ziemlisch großs „klaane“ Lade finde en Haufe der Leit die schunn bei dene waren; des kammer an dem La = ab eischenem Lager –> des hawwe die beide selwer ab eischenem Lager Fa. FERTIG-Modellbahnen; will moien: die verzaejle des nedd blous sonnern hawwe des wägglisch    –> Wer s nedd glaubt soll vorbei kumme unn s sisch ansäje.  

Alles Andere: 

Alls Sunschdigs: bei Probleme unn Fehlern (denn so gäjd s aach uns ): aafoch e elektronischee Post – in de Regel is alls in irgendoiner form lösbar –> bevor mer ebbes blous glaubt / ebbes nedd gfällt / ebbes nedd klar is / ebbes nedd verschdeht – nachfrage hilft – nedd nachfrage säje mer gemaess dem Spruch:   „Wer, wie, was, wieso ,weshalb ,warum wer nedd fragt bleibt ….“\/(o_O)\/“   –> genunk gebabbelt – die Schefin unn der Schef gäje dann werrer Schpiele

Nachwort: 

S wädd als werrer Leit gebe bei dene diese „Schpielregeln“ kaan Gfalle finde, awwer des kann dann joh jeder selwer entscheide was er tut ; ferr dene folchendes:  Mer lasse uns nedd alls gfalle, aach wenn des en Haufen nedd gfällt ! Für die Andre die nedd rückfrage (wolle): unn wenn Leit moin Se müsste iwwer diese Dinge orrer sunschdigs herziehe, dann sollte diese Leit erschd emol dariwwer
nachdenke bevor se nedd rischdische / ausm Zammehang gerissene Behauptunge verbreite –unser Kunde säje des so – s schdäjd jedem frei woannerschd zu kaafe; . unn  noch ebbs:  s schdäjd joh jedem frei s selwer besser zu mache – aafoch en Lade eröffne unn bidde zeige wie s besser geht – mer sin geschpannt druf.
Es grüsst: De Schefin unn der Schef – „“The Trainmen and the Lazy Gang““

Stand / letzte Aktualisierung: 2023-01-30